nga molangoy gyod ka
matag pauli mo kada semana
miingon ka
nga wa na kay mahimo ana
kay naa na man gyod
miingon ka
nga wa na gyod kay pagbati
ngadto kaniya
suwayi kuno
sa paghimo ug balak
nga alang gyod niya
kanang balak
sa gugma
nga inyong gipanumpaan
sa palasyo
nga inyong tukoron
ug sa mga prinsepe ug prinsesa
nga inyong
himuong sumusunod
sa gingharian nga inyong ipundar
suwayi ra
ug pamati kon unsay itug-an
sa kaugalingon nimong kalag diha nimo
ug ayaw ko
ug ingna human ni nimo
buhata kaniadto
karon ang akong gipasabot
ug buhata ni sulod
sa duha ka semana
balitai nya ko
kon unsay imong gibati
human ini
balik unyag
suwat ug mga balak
para nako
kon makatuman ka ini
aninawa unsay kalainan
2 comments:
hehehe.... langoy man gyud abyan. di lang langoy uy, manakop usab ug bakasi. :))
kon ang pagbati mahanaw ra, di na ug gugma. kay ang matuod nga gugma magapabilin sa hingpit nga way pagkahanaw.
ang gugma man gud di katudloan. kalit lang kini imong mabati sulod sa imong kahiladman ngadto sa tawong imong gihigugma.
ang gugma wa gipangita, kusa ra ni siya mopabati sa usag-usa. :))
sulayan lang pod ug paghimo ug balak alang kaniya basin ra diay
mobalik ra ang kainit sa gugma nga gisaw-an nilang duha kaniadto. wa may kumo sa pagsulay, way mawa sa pagsulay.
good luck na lang unta molampos. :))
maayo unta
Post a Comment