sa babayn-on mong kahumot
maoy motultol kanako
ngadto sa tinubdan sa tanang lamdag.
Ang tingog mong mananoy
maoy moganoy kanako
ngadto sa hapsayng luna
nga gigikanan sa tanang pagmahal.
Ang bidlisiw sa kahayag
sa pasiplat sa imong mata
maoy modan-ag sa dalan
nga akong pagasubayon.
Walay makapugong o makapakgang
sa akong paghigwaos nga mahinagbo
ug makauban ikaw.
Tungod kay kitang duha
gilatid nang daan sukad sa sinugdan,
nga mahiusa sa gugma ug kalipay
hangtud sa kahangturan.
Managkaluha ang atong Kalag.
5 comments:
agay pagkanindot ba
maayo unta ug ako kanang imong kaluha
bitaw daw sa inspired nasad ka
sige padayuna, nindot gyud tinuora
wow, pagkasweet sa maong balak. kang kinsa kaha ni gipahinungod nga managkaluha man ang kalag? kuyawa gud ana. karon pa ko kadungog nga naa diay managkaluha nga kalag. basin mao na kini ang gipangita ni Bay Uray nga balak "What If You Are my Soulmate". wahahaha.... ikaw na siguro na zel. hehehe...
secret na mga inday...hehehe
abyan, secret-secret pa ka diha. hunghungi ko bi kay di bitaw ko magsaba. kinsa man kuno na nga kaluha sa kalag ang adunay mananoy nga tingog? :))
ako dili nalang ko mangutana
saon secret naman kaha na
nahala, wala tay mahimo
apan nindot mao lang na akong ika-ingon
Post a Comment