Nangalisngaw ang kainit
sa karsadang sementado
nga natandangan sa adlaw
sa udtong utok,
ug nangalisbo ang baho
sa yuta nga nataligsikan.
Mao kiniy hinungdan
sa akong pag-atsi.
Dili ni tungod
kay gihisgotan ko ninyo
Nagngisi samtang naghilak
si Junior Angbo nga naghigop
sa tubig sa kanal.
Ang hinungdan
nga naingon siya niana
dili tungod kay gipadaotan siya.
Nasubhan man gud
ang iyang utok
dihang naligo siya
bisan taas kaayo
siya ug hilanat.
Ang pangutana mao kini.
Nalisoan na ba siyang daan
sa maayong pangisip
dihang nakahukom siyang maligo
bisan gihilantan, o ang pagkaligo
ba maoy nakapaboang niya?
Ambot lang kaha.
Basta gi-atsi ko
dili tungod kay gihisgotan
ko ninyo.
Kinsa man sad kong inyong hisgotan?
Taym pa.
Kinsa man diay
inyong gi-istoryahan,
Si Junior Angbo?
sugilagming: bentaha
1 year ago
3 comments:
si Junior Angbo gihigop ang tubig sa kanal? yuck! Unsa kaha ang lami ato no?
sa akong panaghap basin nalisoan na kana siyang daan sa iyang pangutok sa wa pa naligo bisan gihilantan. kay imposible man usab kon mao kana ang nakapabuang niya ang pagkaligo bisan naay hilanat. ang uban maligo man gani aron mokunhod ang maong hilanat. wa siguro na si Junior Angbo nasubhi basin napasaran lang na sa kaon. mao nang natuliro. dali! Bay Junior kay pagasawhan tang duha ang akong mga hinikay aron di na ka mapasaran. hehehe...
hehehe...
wa ta kahibaw nipz
nganong naboang siya
Ug wa ba sad kaha
ni siya magpaboang-boang
lang aron atong
mahisgotan dinhi.....heheheheh.
pero kun makigsawo
ka ni Junior ug kaon,
matagbaw gyod kag hungit
kay paraygon man kaayo siya.
di man sad siya mokaon
kon di ka mohigop
sa tubig sa kanal..
ngeeek!.
hahaha.... matay pod nang nagpabuang-buang lang si Junior. ngano gi-inom man lagi niya ug tinuod ang tubig sa kanal bi?
ngeeee.... maparaygon si Junior? aw, mohungit pod basta kondisyon nga di siya mo-inom sa tubig sa kanal, tuba ra. hehehe... kon magtuman gyud ug iya, aw, way hungitay bahala kinsa sa among duha mapasaran. huh!
Post a Comment