ayaw tumpaga
kanang pinundok nga balas
daplin sa baybayon
kay ako kanang palasyo
ayaw papasa
ang mga kinuriskuris nga lapis
sa nawong sa bulsita
kay ako kanang palasyo
ayaw gub-a
ang payag=payag nga ginama
sa mga kagingking ug langkay
kay ako kanang palasyo
pasagdi ako nga maglukdo
ug dakong panganod ning gamay kong ulo
nia dinhi ang suga nga mag-iwag kanako
paingon sa akong palasyo
Suga
panganod
palasyo
dugtong sa akong
pagkaako.
Busa ayaw
pasipad-i
kay ako kana.
sugilagming: bentaha
1 year ago
6 comments:
wow bay alan
nakulbaan ko adtong balaka
pagkaanyag, pagkanindot sa imong sukaran, diryot ako matuk-an..
padayon~
imong tagsunod
hazel
Salamat Zel. Makatuo ko nga arang-arang gyod tong balaka, kay ikaw na gud nang misulti. Lipay kaayo ko sa imong pagdayeg.
walay mangahas nga motumpag ni-anang pinundok nga balas ug palasyo sa daplin sa baybayon kay imo kana ang tanan.
maski sa kinuriskuris nga lapis sa bulsita imo kay way mangahas mosunog ni-ana sa abuhan.
maski sa payag-payag nga ginama sa kagingking ug langkay imo sa tanang panahon. kay ang gugma naa nagsugod sa lantay nga higdaanan.
maski pa ug lukdohon nimo ang tibuok panganod ug kab-uton ang buwan ug mga bituon sa langit imo lang gihapon.
basta ayaw lang pod ko ug kalimti, pasilonga pod tawn ko sa imong palasyo. :))
taym pa una hasta si inday nippy natakdan
hahhaha...
inday unsang pagka-unsaa
aduna kaman pud diay tinaguan?
bitaw Zel, nalipay bitaw ko nga si day nippy nagsugod na sad ug garay...Natakdan na gyod! hehehe
hahaha.... unsa ngani ba sii? garay na ba diay na? igo ra baya ko nitubag sa mga garay ni Bay Alan. kamo man gud duha mga balaknon kaayo, mao makapangawot man pod ta ani ug kuris-kuris. huh!
Post a Comment