Napulo ka adlaw gyod namong istar sa Hospital niadtong miaging buwan, ug hangtud karon wa pa gihapon ko huwasi sa kakapoy gumikan sa kalisod sa pag-atiman ug masakiton ug sa hilabihang kahingawa ug kahadlok sa mahimong dangatan sa duha namo ka mga anak nga na-admit tungod sa Dengue.
Unang nahilantan si Inday Gasa, ang 10 anyos nga babaye namong anak kamanghuran, ug dali namo kining gidala sa doktor. Dali ra sab nga mius-os ang iyang hilanat.
Sa pagkasunod adlaw, gihilantan si Kahlil, ang 15 anyos niyang maguwang lalake. Kusog ang pagsaka sa hilanat niini, busa gidala dayon namo sa doktor.
Wala mo-ubos dayon ang hilanat ni Kahlil, busa amo siyang gidala sa
Samtang na-admit si kahlil sa hospital, misaka pagbalik ang hilanat ni Gasa, busa gidali na lang sad namo sa pagdala sa hospital. Ubos sad ang iyang platelet count, mao nga gi-admit na lang sad..
Dali rang naulian si Gasa ug nakagawas dayon sa pagka-ikatulo ka adlaw.
Apan si kahlil nagkaluya ug gibati ug tumang kasakit sa tiyan ug sa tibuok niyang lawas. Nagka-us-os usab ang platelet niini. Hangtud nga niabot na lang ug 18 .
Gibalhin namo siya sa
Tuod man, kaluoy sa Ginoo, sa hinay-hinay misaka ang level sa iyang platelet hangtud nga gidkelarar sa doktor nga luwas na siya sa kakuyaw.
Daghan ang na-admit tungod sa dengue sa South Gen. ug sa District hospital, ug matud pa sa mga estorya nga akong nadungog daghan pa sab didto sa Don Vicente Sotto.
Daghan nang nangamatay tungod niining sakita.
Sa pagkakaron, naulian na si Kahlil ug si Gasa, namalik na sa pag-eskuwela.
Mao pa kadto ang unang higayon nga nagka-dengue is Inday Gasa, si Kahlil kaduha na.
Sukad niadtong pagkasakit ni kahlil ug dengue niadtong 9 anyos pa siya, nagbantay na gayod kami nga di magpundo ug tubig sa palibot aron di mahimong breeding place sa mga lamok.
Wa gyod gihapon mi makalikay. Bisan asa ta paingon anaa gyoy lamok.
Ang nakapait kay kung katulo na ka ma-dengue, maglisod na ang imong lawas sa pagsugakod aron sa pagkigbatok sa maong sakit. Mao nga, hangtud karon ug hangtud pa sa umaabot nga mga katuigan, magpabilin ang among kahadlok.
Kinsa may makalikay sa paak sa lamok,magdala man kini ug dengue o wala?
5 comments:
Halu abyan,
Naguol baya ko samtang nagbasa sa imong gisuwat sa blog bahin sa mga anak nimo nga si Khalil ug Inday Gasa. Daghan diay lamok diha sa inyoha. Dilikado gyud nang sakit nga Dengue. Mao ra ba gyud nay uso kon tig-ulan. Mag-ignay gyud ta pirmi anang lamok. Mao nang kon mobisita mi sa Pinas, di gyud na mawa ang i-spray sa among panit para di duolon ug mga insekto. Paghaling-haling mo diha abyan sa inyong kilid sa balay aron di makaduol ang mga lamok. Pahuway usa diha abyan kay gikapoy man diay ka ug atiman sa imong mga anak.
I am glad to hear that your two beautiful kids are ok. Btaw i hope nga naa nay vaccine
http://www.bio-medicine.org/medicine-news/Vaccine-For-Dengue-Fever-On-Trial-In-Asia-Pacific-5794-1/.
nia say home remedies spray that you can make. i hope naa ni nga oils sa ato. makapalit ug bug spray sa pharmacy pero mas maayo man tinagli ang hinimo kay way harmful chemicals.
http://www.skin-care-recipes-and-remedies.com/homemade-insect-repellent.html
ayo-ayo
http://www.journeytoforever.org/edu_homer.html
naa sad nag ingon nga lemon grass ambot ug mao ba nga klase ang tanglad sa ato but you can give it a try. cge take care , check out the internet for other recipes that are safe and cheaper.
gaw, saludo na gyud ko nimo bisan ang mga problema sa imong kinabuhi lawom na kaayo anaa ka pa gihapon diha aron sa apgpadayon sa imong o sa inyong tinguha nga makahimo ug kaayuhan sa uban. I don't know how to describe your love & service to the Lord. hinoon nasayud man ta nga di gyud ta pasagdahan ni Lord, pero human as we are, mobati byud ta ug kahuyang ilabi na gyud sa membro sa imo nga kaugalingin nga pamilya, pero tungod sa Espiritu Santo nga mikunsad diha kanimo ang tanan dali ra kaayo. Gaw ang gasa nga gihatag sa imoha dili lalim ug kun unsa man kalampusan nga among maambit kana tungod sa mga gasa nga Iyahang gihatag kanimo... Lisud,... pero kaya nimo tungod kay ikaw man gihatagan sa maong gasa para kitang tanan magkahiusa sa kaayuhan...
Post a Comment