" Kusoga sa panahon karon bay noh? Dali ra kaayo nga mohapon, bag-o pa gani tang namahaw, paniudto na sad, unya takwahaw lang sad tingpanihapon. Dali ra kaayo molabay ang adlaw, dali ra sad tang matiguwang" , matud pa sa akong higala nga si Edwin dihang nagkaabot mi sa usa ka tindahan ug pagkaon sa Barangay Ward 4, Minglanilla.
Naghisgot man gud mi sa among mga anak nga karon aduna nay ilang kaugalingong mga pamilya. Matud pa sad nako, " morag pilahay pa lang gani kong nagsung-ay sung-ay sa akong anak, karon naa na man sad siyay anak nga gikugos-kugos.. "
Mao gyod tingali ning magkaedaran na ang tawo kay mora man ug kusog na ang dagan sa panahon.
Nakahinudom ko niadtong " Grade 6" pa ko, gusto kaayo ko nga makataak na ug
"high school ", apan dugay kaayo ang tuig. "Dugaya sad nako ma- high school oy".
Pero karon nga dako na'g edad, mahibung na nganong dali ra kaayo molabay ang panahon. Ang usa ka buwan gud upat ra ka sabado, human dayon !
Karon lang , human sa among panag-estorya ni Edwin, pag-abot nako sa balay maoy nisugat nako ang tawo nga nagdala ug Bill sa VECO.
"Ah, bag-o pa gani ko nakabayad, paningil na sad?", matud ko pa sa akong kaugalingon nga nakapanglingo-lingo.
"Pagkakusog baya gyod sa paglabay sa panahon karon...Wa gyod diay to masayop si Edwin, huh !"...
2 comments:
Abyan, gwapo man diay ka sa batan-on pa ka. Kahawig nimo si papa P. Nisamot na karon nga nihingkod na ka. :))
Bitaw tinuod ka nga pagkapaspas sa panahon. Di lang nato mabantayan ang pagpanglabay sa mga adlaw ug mga katuigan.
Ako bitaw mabalaka man kon hapit na mo-abot ang akong adlaw nga natawhan kay madugangan na usab ang akong edad. Maayo lang unta kon ang edad ra ang magtaas, di ko mangunot ug mag-ugo-ugo. Sigurado gyud ko abyan kon matiguwang ka, gwapo lang gihapon ka kay ikaw na gud na. :))
ayaw kumedya diha abyan oy ! unsaon man pagkagwapo nga bati na man ganing daan?....hehehe.
Bitaw abyan, tinuod gyod nga magkakusog ang dagan sa panahon kon magkatiguwang ta...
Pero kanang pagka tiguwang o ang pagkausab sa atong dagway dili man kaayo na importante para nako..,Ang nindot gyod tingali mao nga samtang nagkadako atong edad nagkanindot atong batasan. Magkabuotan ta.
maayo unta mao nay mahitabao nato abyan, bahalag mobati basta magkagwapo ug magkagwapa.... ang batasan ba.
Post a Comment