niadtong wala pa ko mahigmata
Levi's pa akong karsones
niadtong wa pa ko huwasi sa kahubog
magpunay lang ko'g iningles
niadtong gubot pa akong huna-huna
langyaw pa gyod akong pangsinena
karong nahigmata na akong kalag
ako nalisod ug nagkasaag-saag
ang mga butang kabilin sa akong katigulangan
mora ug bag-o ko pang nakaplagan
sama sa atong pinulongan
ingon sa karon ko lang nakat-unan
sama sa batang walay buot
nagslisod paglitok ug sa pagsabot
hinuon wa man ko magbasul
apan dako ang akong kahasul
kay lisod man gud ang pagpahiuli
sa dugukan nga niagi nag kabali
di man unta dautan
ang pagtuon sa langyawng binuhatan
apan di lang unta kalimtan
tinuorayng ato gayod nga mga naandan.
sugilagming: bentaha
1 year ago
No comments:
Post a Comment