Nawala ko ug kadiyot dinhi sa dagitwanang
kay mipahuway ko.
Misaka man gud ang akong Blood Sugar.
Bisan pa man
nga wala na gyod ko mokaon ug inom
ug mga tam-is sama sa softdrink,
candies, cakes, ugbpa....
Wala na gani sad ko mokaon
ug baboy ug uban pa nga karne,
ug mga mantikaon nga pagkaon,
di gyod mapugngan
usahay motaas gyod ang sugar level.
Hasta blood pressure saka sab.
Niadtong usang semana
gidala ko sa akong mga kauban
ngadto sa hospital
kay kalit lang ko gigil-asan
samtang nagsakay mi ug taxi.
Gibati ko ug tumang kainit sa lawas
bisan air conditioned ang tasi nga gisakyan.
Taas diay ang akong BP, 190/ 110.
Karon kapoy kaayo ko,
hanap-hanap ang panan-aw...
Nia na lang ko sa balay ron,
atubang gihapon sa computer
bisan di kakalaro sa mga letra...
hehehe. mag-unsa na lang kaha ko
kon mabuta na gyod ko no?
Maghinay-hinay na lang ko
ug tuon sa pagbasa ug "braille" ani.
IUnya naa man sab toy computer para sa mga buta,
mangita kog kinsay makatudlo nako ato.
Maayo ning andam ta daan.
Mentras tanto,
padayon si bay alan
sa iyang mga buluhaton.
hinay-hinay lang gud
basta kanunay.
busa mga abay,
ayaw mo kabalaka,
mag-uban pa ta
sa hataas nga higayon
mahibaw-an man ninyo
kon wala na ko
kay kalagon man ta mo.
hehehhehe ...moooooooohhhhh!!!!
Bitaw oy,
joke ra to.
sugilagming: bentaha
1 year ago
4 comments:
abynannnnn..... musta naman ka? atimana tawn imong kaugalingon. mabaka man pod ko sa imong sitwasyon. matay pod nang magtuon daan ug braille. simbako tawn uy pito-pito kalawod. mag-unsa na lang ko kon mabuta akong abyan. wa na koy abyan?
ayaw gyud ug binuang ha nga i-apil ko nimo nga kalagon simbako lang. pangkalaga lang nang uban, ayaw lang ko kay hadlokan ra ba gyud ko. sulayi nga kalagon ko nimo kay sulongan ta gyud ka sa imong lubnganan simbako lang ug kalagon ta pod ka. bahala kon kinsay di magmalinawon natong duha. huh!
bitaw abyan seryoso na ko. pag-amping diha sa kanunay ha. basin naa kay katarata pa-operahe na lang na aron di na maghanap imong mga mata.
ayaw ka balaka abyan kay dili nako pasagdan akong kahimtang sa panglawas.
Mag-amping na gyod ko kanunay.
Di ko makatugot nga mahilayo sa mga Minahal nako sa kinabuh.
Mingawon tawon ko ninyong tanan.
Labi na gyod ka nga maoy akong labing suod ug labawng gimahal dinhi sa dagitwanang.
Kining akong mata day, gipatan-aw na ni nako sa espesyalista. Ipa-laser ra kuno ni.
Mogasto gyod nuon ug dako-dako, kay mahal man ug pangayo ang doktor ug bayran pa man ang paggamit sa instrument...Pangitaan ko lang gyod ni ug paagi nga makaabot ko sa bayranan ani kay gusto pa intawon kong makatagamtam sa kalalim ug kaanindot sa mga talan-awon sa atong palibot.
labi na sa mga maanyag nga binuhat nga sama nimo...(hehehe, kanus-a kaha ko makakita nimo sa personal no? mahitabo kaha na?)
abyan, mao man siguro nang gitawag ug lasik surgery no? maayo bitaw unta nga imong ipalaser imong mga mata kay aron nindot ang imong panan-aw. i-ampo ta ka kanunay abyan sa Ginoo nga mawa tanan imong mga gipanglikna sa imong lawas.
hehehe.... ikaw kaha gusto makakita nako? ikaw man gani di magpakita? aw, di lang pod pawa sa paglaum basin diay magkabangga ra ta sa dalan. dali ra ko makaila nimo kay naa gud koy third eye. :))
patay
nawani nasad ko aning bff
sagdi nalang tagaan tamong duha ug chance
hehehe
wala tingale koy labot
mingaw nako ninyong duha
Post a Comment